पाऊस आहे तुझ्यासारखाच
पाऊस आहे तुझ्यासारखाच
बरसत रहातो उगाचच,
आठवणीत नेहमी तुझ्या
भिजवून मला टाकतो.
पाऊस आहे तुझ्यासारखाच,
जशी तू तसाच तोही मला छळतो.
कधी रिमझिम कधी मुसळधार
अगदी हवा तसा कोसळतो.
प्रत्येक वेळी वेगळ्या रुपात
आणखीनच तो भावतो.
पाऊस आहे तुझ्यासारखाच,
जशी तू तसाच तोही मला छळतो.
तुझं कोसळणं,
माझं बरसत रहाणं,
भेटीसाठी एकमेकांच्या
आपलं कासावीस होणं.
पाऊसच तर आहे जो सर्व जाणतो.
तुझ्या चेहऱ्यावरुन ओघळताना
माझ्या मनात अलगद उतरतो.
पाऊस आहे तुझ्यासारखाच,
जशी तू तसाच तोही मला छळतो...