लाइब्रेरी
प्रोफाइल
छकुलीचा राग
छकुलीचा राग
1 min
168
खरा राग यायचा मला
छोटीशी असल्यापासून
गाल फुगवे गोबरे
रुसायची मनापासून
आई बाबा समजावत
काय झालं सांग सोनुले
मी तरीही गप्पगप्पच
मान वळे जमिनीकडे
नाकावरचा राग खूप
अवघडच निघायला
सुकामेवा नि जिलबीचा
खाऊ लागायचा बबीला
राग खुबीने काढायचे
बोलत हसतखेळत
गालात गोड हसताना
राग जायचा नकळत
आता रुसवा नि अबोला
सासरी कोण काढणार?
रुसवाही कळेना कोणा
रागही मीच सोडणार!
