अभ्यास घडवी करीअर

नाही माहित मला खरंच की उद्या नक्की मी कोण होणार 

दादा सारखे इंजिनिअर की ताईसारखं डॉक्टर बनणार 

कधी वाटते पायलट बनून उंच आकाशी उडावे

नाहीतर सैनिक बनून आपल्या देशासाठी लढावे 

जर अभिनेता बनलो तर किती बर धमाल येईल 

जेव्हा जे पाहिजे तेव्हा त्या भूमिकेत जगता येईल 

कि एखाद्या खेळातच खूप नाव कमवायचे

ठरतच नाहीये माझे नक्की काय मला बनायचे 

बाबा म्हणतात उत्तम आयुष्यासाठी अर्थार्जन हे महत्त्वाचे

ज्यासाठी योग्य करीअरची निवड करणे ही गरजेचे 

आई देखील सतत मला अभ्यास करायला बसवते

अभ्यास ठरवेल तुझ्या करीअरची दिशा असे तीही सांगते 

एकूणच काय तर अभ्यासाला, दुसरा काहीच पर्याय नाही

सर्व विषयही महत्त्वाचे, निवडले करीअर जरी मी कोणतेही