अभिमान भारत देशाचा

भारतदेशा, माझी जन्मभूमी

तूच अस्मिता, तू अमुचा प्राण

जण गण मन गान आमुचे

तिरंगा वाढवितो राष्ट्राची शान ||१||

उच नीच ना वर्ण दोष येथे

विविध भाषा, वेशभूषा संपन्न असे

एकच रामराज्य साकारू

विविधतेत एकता शोभून दिसे ||२||

गांधी, टिळक, सावरकरांसारखे

महात्मा या भूमीत जन्मले

त्यांच्या बलिदानाने भारतात

नवे इतिहास घडविले ||३||

असामान्य कर्तृत्व शिवरायांचे

थोर ते जिजाऊंचे संस्कार

स्वराज्य मिळविले ज्यांनी

शूरवीर असे मावळे अपार ||४||

माथी सजले मुकूट हिमाचे

विशाल समुद्र वंदितो चरण

सजली भारत माता सौंदर्याने

काश्मीर तिचे नंदनवन ||५||

गंगा, यमुना, कृष्णा, गोदावरी

नदया सरोवर देई जलदान

सुजलाम, सुफलाम देशासाठी

ठरतात त्या वरदान ||६||

वैज्ञानिक संशोधन,भूसंपत्ती

गर्भात खनिजांची खाण

उद्योगांच्या क्षेत्रामध्ये भारतास

विश्वात मिळे बहुमान ||७||

कितीही संकटे आली तरीही

तुझा टिकवू अभिमान

भारतदेशा तुझ्या अखंडतेसाठी

वीर सुपुत्र बलिदान ||८||