माझा शेतकरी राया...
माझा शेतकरी राया...
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
दिवसरात काबाडकष्ट करतो
काळ्या मातीत शेतकरी राया
त्याचं सारं आयुष्य जातं मातीत
किती ती धरणी मातेवर माया||१||
निसर्गाचे महत्व तुझं ठाव
बळीराजा शेतात राबतो
म्हणून आपण सारेजण
दोन वेळचं अन्न खातो||२||
कुणी बी बियाणं बोगस
विकून तुला फसवतो
सावकाराच्या कर्जानं
तू पार बुडून जातो||३||
कधी निसर्गाचा कोप
पिकांची नासाडी करतो
सारं रान पेरून डोळ्यांनी
नेहमी पावसाची वाट पाहतो||४||
उपासमार न तो पोटाला
पडणारा पीळ काही सोसवेना
सगळ्या हलाखीच्या परिस्तिथीत
आत्महत्येशिवाय तुला काही दिसेना||५||
खंत इतकीच आज मनाला
देश आपला बराच सुधारला
पण साऱ्या जगाला पोसणारा
पोशिंदा मात्र गरीबच राहिला||६||
आयुष्यभर कष्ट करूनही
कर्जानं जीव हैराण होतो
ह्या मातीत जन्म घेऊन
ह्या मातीतच अंती मिसळतो||७||
अरे माणसा आता तरी जागा हो
बळीराजाचे ऋण अनमोल
त्याच्या पिकाला देऊ योग्य
भाव आनंद होईल त्यांस खोल||८||
🌱🌱🌱🌱🌱🌱🌱🌱🌱🌱