ऋणानुबंध
ऋणानुबंध
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
आई नि वडिलांचे उपकार अनंत
आयुष्यभर सेवा करूनही न फिरणारे
जमेल तितकं सुख त्यांना देऊन
मायेच्या ऋणानुबंधात विरघळणारे ||१||
जवान सीमेवर तटस्थ लढतो
मायभूमीसाठी बलिदान देतो
ऋणानुबंध त्याचे ह्या मायभूमीशी
भारतमातेशी सदैव कर्तव्यनिष्ठ असतो ||२||
आयुष्यभर शेतात राबतो बळीराजा
मातीचा नि त्याचा मायेचा संबंध
मातीत जन्मूनी मातीतच अंती मिसळतो
वेगळाच असा हा दोघांचा ऋणानुबंध||३||
नातं पती पत्नीचे सुंदर प्रेमाचे
सुख दुःख सोबत अनुभवायचे
ठेच लागता एका दुसऱ्याने सावरायचे
एकमेकांची सावली होऊन जगायचे ||४||
कधी काळोखाचे चटके बसता
अलगद फुंकर दुसऱ्याने घालायचे
मन एकमेकांचे असे संभाळायचे
बंध प्रेमाच्या रेशीम ऋणानुबंधाचे||५||