आनंद

आत्म्याच्या नंदनवनातील दरवळ,

जीवन प्रवासातील मोहक हिरवळ !!

मानव असतो सदा भुकेला ,

त्या आनंदाच्या परमोच्च क्षणाला !!

जसे काट्याविना शोभा नसे फुलाला ,

तसेच यातनेशिवाय झळाळी नसे आनंदाला !!

इतरांच्या अश्रूंची भाषा ज्यांस उमगली ,

त्यालाच आनंदाची खरी व्याख्या समजली !!

स्वर्ग सुखाची आशाच कशाला ,

विसरू नये कधी माणुसकीला !!

वाहे हृदयी परोपकार संथ ,

त्याचाच खरा अर्थ आनंद !!

आयुष्याला असते लकेर संघर्षाची ,

अपेक्षाभंग , निराशा अन् क्लेशाची !!

यांवर विजयाची ज्यांस खात्री ,

तोच खरा आनंदयात्री !!!