आजीचा पदर

 ज्येष्ठांचा सहवास

 सुखाचा प्रवास

 आनंदास उधान

 आधार वाटे जीवास

 पदराच्या चिंधीत

 ओली जखम बंदिस्त

 पुन्हा नको पडाया

 मागणी राही रास्त

 जेवावया बसता

 वारा घाली पदर

 नातवंडांसाठी आजी

 भासतसे कणखर

 चेहरा सुकता

 काढी नजर पदर

 त्या प्रेमळ नजरेस

 कशाचीही नसे सर

 पदराखाली झाकून

 असे आजीची भाकर

 कष्ट करता शेतात

 भाकरी संपे भरभर

 होई पूजा सुगडयांची

 ओटी भरली पदरात

 आजोळी जाता त्या क्षणी

 वाट पाहे आजी दारात