आई बाबांचा आशीर्वाद

तुझ्या नाळेशी जुळलेलं नातं जेव्हा कळलं,

काय ? सांगु आई मन माझ किती तळमळलं...

श्वासात घेतांना श्वास माझ्यावर जग हसलं,

काय ? सांगु बाबा झिजणाऱ्या पाठीवर आभाळ कोसळलं...

जेव्हा चालु लागले वाट मी स्वतः पावलांनी ,

काय ? सांगू आईबाबा प्रत्येक मैलाच्या दगडाने ठेचाळलं...

सोपी होत गं तुझ्या पदराखाली लेकरू मी,

काय ? सांगु आई उन्हाच्या झळानी मला किती करपलं...

विश्वास होता मला तुमचा चांगलच कराल तुम्ही,

काय ? सांगु बाबा सोसतानां कष्ट तळहाताला किती पोळलं...

आईबाबा तुमचा आशीर्वाद असू द्या कायम असाच,

काय ? सांगु तुमच्याच भरोश्यावर मी हे जीवन पेललं...