कुठे होते सुरवात

कुठे होते सुरवात जीवनाची ,

आईच्या उदरात की ,

त्या पहिल्या रडण्यात ,

पहिल्या पडणाऱ्या पावलात की ,

पहिल्या बोबड्या बोलत ,

कुठे होते सुरवात ...

बाबांच्या शिकवण्यात की ,

शाळेच्या पटांगणात ,

चुकलेल्या वयात की ,

भाळलेल्या मनात ,

कुठे होते सुरवात ...

पहिल्या पगारात की ,

बोहल्यावर चढण्यात ,

तुम्ही आई-बाबा झालात की ,

सोड ना तुला नाही कळत ऐकण्यात ,

कुठे होते सुरवात ...

आसवं डोळ्यात शेवटच्या क्षणात की ,

सरणावर पडलेल्या देहात ,

शांत शांत निजण्यात ,

कुठे होते सुरवात ...

कुठे होते सुरवात जीवनाची ...