ಓ ಚೆಲುವೆ.....

 ಓ ಚೆಲುವೇ........

ಅಷ್ಟು ಚಂದದಲಿ ಸೀರೆಯುಟ್ಟ 

ಎಲೆ ನೀರೆ ನನ್ನ ಹೃದಯದೊಳು 

ಪ್ರೇಮಾಗ್ನಿ ಕುಂಡವನೆ ಹಚ್ಚಿದೆಯಲ್ಲೆ 

ಪ್ರತಿ ಮೆಟ್ಟಿಲನಿಳಿಯುತ ನನ್ನೆದೆಯ 

ಬಡಿತವನು ಹೆಚ್ಚಿಸಿದೆಯಲ್ಲೆ , 

ನಿನ್ನ ಘನ ಚೆಲುವಿಂದ ನಾ ನಿನ್ನ 

ಹಿಂಬಾಲಿಸುವ ತೆರದಿ ಮಾಡಿದೆಯಲ್ಲೆ 

ಸಪ್ತಪದಿ ತುಳಿವುದಕಿದಭ್ಯಾಸವೆಂಬುದು 

ನನಗರಿವಾಗದೇ ಹೋಯ್ತಲ್ಲೆ 

ನಿನ್ನ ನೋಡುತ್ತಲೆ ಕಲ್ಪನಾ ಲೋಕದಲ್ಲೇ 

ವಿಹರಿಸುವಂತೆ ಮಾಡಿದೆಯಲ್ಲೆ 

ಕಾಲದರಿವನೇ ನನ್ನಿಂದ ಕಸಿದೆಯಲ್ಲೇ 

ನನಗರಿವಿರದೇ ನನ್ನೆದೆಯ ರಾಣಿಯಾದೆಯಲ್ಲೇ 

ನಿನ್ನ ರಾಜನಾಗಿಯೂ ನಾನಿನ್ನ ಸೇವಕನಂತಾದೆನಲ್ಲೇ 

ಏಕಿಂತು ಗೈದೆಯೇ ಓ ನನ್ನ ನಲ್ಲೇ ಓ ನನ್ನ ನಲ್ಲೆ