ನಮ್ಮಡಿಯಿಡಿಸು

ಮಾಧವವನಾ ಮನ ಮನಸಲಿ ಮನೆಮಾಡಿ

ಕನಸಲಿ ಕನವರಿಸಿ ಕಣ್ಸನ್ನೆಯಲಿ ಕರೆದು

ನಯನದಿ ನೋಡಿ ನಲಿದಿಹಳು....

ರಾಗಾನುರಾಗದಿ ರಾಧೆಯ ರಮಿಸುತ 

ಕಾನನದಿ ಕೊಳನೂದುವ ಕೃಷ್ಣನ

ಮೋಹನ ಮುರಳಿಯ ಮುದದ ಮದನಾರಿ

ಭವ ಬಂಧನ ಬಿಡಿಸುವ

ಭೂರಮಣನು

ಕಾಡಿನಲಿ ಕರುತರುಗಳ ಕರೆದು

ಮರವೇರಿ ಮನಸಾರೆ ಮುರಳಿಯನೂದೆ 

ಕೇಳಲಂದವದು ಕರುಗಳ ಕೊರಳ ಕಂಠನಾದ

ಗಿರಿಯನೆತ್ತಿದ ಗೋವರ್ಧನ ಗಗನದಿ

ಹಾರುವ ಹಕ್ಕಿಗಳ ಹಾಡನು

ಆಲಿಸಿ ಆನಂದದಿ ಆಡಿಪಾಡಿಹನು

ನವನೀತನು ನಿತ್ಯ ನೂತನನು

ಆದಿಯು ಅಂತ್ಯವೂ ಅನಂತವೂ ಅವನೆ

ನನವರತ ನೀ ನಮ್ಮಡಿಯಿಡಿಸು ನಮಿಪೆ ನಲ್ಮೆಯಲಿ.