ನಿರೀಕ್ಷೆ

ಹತ್ತಾರು ಕನಸುಗಳು ಅರಳುವ ಸಮಯ 

ನನಸಾದ ನೆನಪಂತೂ ಇಂದಿಗೂ ಇಲ್ಲ 

ಮುಂದಡಿಯಿಡುತ ಸಾಗಿ ಅರ್ಧ ದಾರಿ ಸವಿಯಿತು 

ಬಿಚ್ಚಿಟ್ಟ ಆಸೆಗಳನ್ನು ಮತ್ತೆ ಗಂಟು ಕಟ್ಟಿಡಲಾಯಿತು 

ಅದೇನೋ ಕೆಲವರ ಹುಟ್ಟೇ ಹಾಗೆ ಅನಿಸಿತು 

ಕೈಗೆ ತಾಕುವಂತಿದ್ದರೂ ಕೈಗೆ ಸಿಗದೆ ನಿರಾಸೆಗೊಳಿಸುವುದು 

ಅನ್ಯರ ನೋಡಿದಾಗ ಹೊಟ್ಟೆ ಉರಿಯು ಬರದು 

ಬದಲಾಗಿ ಜಿಗುಪ್ಸೆಯ ನಗೆಯೊಂದು ತುಟಿಯ ಸವರಿ ಹೋಗುತ್ತದೆ.

ಏನೂ ಕಷ್ಟ ಪಡದೇ ಒಲಿವ ಅದೃಷ್ಟ 

ಕೆಲವರಿಗೆ ತಪಸ್ಸು ಮಾಡಿದರೂ ಒಲಿಯದು 

ನಂಬಿಕೆಯ ನಡುವಲ್ಲೇ ನಡಿಗೆ ನಿಂತು ಹೋಗಿರುತ್ತದೆ 

ಇದಕ್ಕಾಗಿ ಯಾರನ್ನು ದೂರುವ ಹಾಗೂ ಇಲ್ಲ. 

ಕಾಲಯ್ ತಸ್ಮೈ ನಮಃ ಅನ್ನುವರು ಆದರೆ ಕಾಲವೇ 

ನಿಲ್ಲದೆ ಓಡುತಿರಲು,ಓಡುವ ಗಡಿಯಾರ ನೋಡುವುದೊಂದೇ 

ನಮಗುಳಿಯುವ ಪಾಲು,ಹೆಜ್ಜೆ ಗಳು ನಿಲ್ಲದೆ ಸಾಗುತ್ತಿದೆಯಾದರೂ ಗುರಿ ಮಾತ್ರ ಅಂತರದಲ್ಲೇ ಇದೆ 

ಮುಟ್ಟುವ ಪ್ರಯತ್ನಕ್ಕಂತೂ ಅಂತ್ಯವೇ ಕಾಣದು 

ಹರಿವ ನದಿಯು ಹರಿಯುತಿರಲಿ ಎಂದಿನಂತೆ 

ನಿರಾಸೆ ಜಿಗುಪ್ಸೆಗಳ ನಡುವೆಯೂ ಹೊಸತನವನ್ನು 

ಬರಮಾಡಿಕೊಳ್ಳುವ ಮನಸ್ಸು ಎಲ್ಲರದಾಗಿರಲಿ