ಮರೆಯಲಾಗದ ಜೀವ

ಹಾಡೇ ಉಸಿರಾಗಿಸಿಕೊಂಡು

ಕಷ್ಟ ಬಂದಾಗ ನುಂಗಿ ನೋವ

ಅನ್ಯರನು ಎಂದೂ ನೋಯಿಸದೆ

ಸಾರ್ಥಕವಾಯಿತು ಆ ಜೀವ 

ಅಸಾಧಾರಣ ಶಾರೀರದಲ್ಲಿ

ಸಂಗೀತ ಶಾರದೆಯ ವಾಸ 

ಅದಕಾಗಿ ಮೈಗೂಡಿಸಿಕೊಂಡಿದ್ದು 

ಹಲವು ಶಿಸ್ಸ್ತು ಬದ್ಧ ಹವ್ಯಾಸ

ಆಸೆಗಳ ಮುಗಿಲ ಮುಟ್ಟಿದರೂ

ಕಲಿಕೆಯ ಕೂಸೆನ್ನುವ ಭಾವ

ದಣಿವರಿಯದೇ ಹಾಡಿ ಹಾಡಿ

ಬದುಕಿದ ಅಸಾಮಾನ್ಯ ಜೀವ 

ಇನ್ನೂ ಎಷ್ಟು ಹಾಡಬೇಕಿತ್ತೋ

ತಿಳಿಸದೇ ಮನದಾಳದ ನೋವ

ಆ ದೇವರಿಗೂ ಅಸೂಯೆ ಇತ್ತೋ 

ಏಕಿಂದು ಕಣ್ಮರೆಯಾಯ್ತು ಜೀವ