ನೆನಪುಗಳ ಮಾಯೆ

ನೆನಪುಗಳ ಗಂಟಿದು

ಬಿಡದ ಭಾವ ನಂಟು

ಮೌನ ಮಗುವಾಗಿ

ಮಲಗಿರಲು

ನೆನಪುಗಳ ಹಾವಳಿ

ಜೋರಾಗಿದೆ

ಸುರಿಯುವ ಸೋನೆಯಲೂ

ಅದೇ ಹಳೆಯ ನೆನಪು

ಮತ್ತೆ ಹಸಿರಾಗಿದೆ

ಬಯಕೆಯ ಬಯಲಲಿ

ಮುಗುಳು ನಗೆಯಲ್ಲೂ

ಇಣುಕಿದೆ

ಅದೇ ಬಾಲ್ಯದ ಕಲರವ

ಸ್ನೇಹಿತರ ಸ್ನೇಹ

ಪ್ರೀತಿಯ ಪರ್ವ

ನೆನಪುಗಳಲಿ ಯಾವುದೂ

ಬದಲಾಗಿಲ್ಲ

ಆದರೂ ನನ್ನ ದಾರಿ 

ಬದಲಾಗಿದೆ.. ಮತ್ತೆ

ತಿರುಗಿ ಹೋಗುವ ಹಾದಿ

ಮುಚ್ಚಿ ಹೋಗಿ

ನಡುರಾತ್ರಿಯ ನಿದ್ದೆ ಬಿಟ್ಟೂ

ಎದ್ದು ಕೂರುವೆ

ಸಿಹಿ ಕಹಿ ನೆನಪುಗಳಲಿ

ಕಳೆದು ಹೋಗುತಾ

ಈಗ ಅರಿವಾಗುತಿದೆ ಬಿಡದ

ಈ ನೆನಪುಗಳ ನಂಟು

ಚಂದಿರನ ಅಂಗಳದಲಿ ಆಡುವ

ಕನಸಿನಂತೆ ಬರೀ ಮಾಯೆ

ಕೈಗೆ ಸಿಗದು ಅನುಭವಿಸಲಾಗದು..!