ದುರಾಸೆ

ಕಷ್ಟದಲ್ಲಿದ್ದನೊಬ್ಬ ಬಡವ 

ದೇವರಲ್ಲಿ ಬೇಡಿ ಒಂದು

ಚಿನ್ನದ ಕಾಸು ಪಡೆದನು

ಉಜ್ಜಿದಷ್ಟು ನಿನಗೆ ಕಾಸು

ಎಷ್ಟು ಬೇಕೋ ಅಷ್ಟು ಉಜ್ಜು

ನಿಲ್ಲಿಸಿದರದು ಮಾತ್ರ

ಕೊಡದು ನಿನಗೆ ಎಂದಿಗೂ

ಮತ್ತೆ ಕಾಸು ಎಂದ ದೇವನು

ಧನ್ಯವಾದ ಹೇಳಿ ಬಂದು

ಕೋಣೆಯಲ್ಲಿ ಅವಿತು ಕೂತು

ಉಜ್ಜಿ ಉಜ್ಜಿ ಪಡೆದನು

ನಿಂತು ಹೋದೀತೆಂಬ ಭಯ

ದುರಾಸೆಗೆ ತಿರುಗಿತು

ಉಜ್ಜಿ ಉಜ್ಜಿ ಕೈಗಳಿಂದ

ರಕ್ತ ಸುರಿದರೂ ಸಹಿಸಿ

ಕೋಣೆ ತುಂಬ ಕಾಸ ರಾಶಿ

ನೋಡಿ ಪ್ರಾಣ ಬಿಟ್ಟನು

ಮರೆತು ರಾಶಿಯಲ್ಲಿ ಇದ್ದ

ಪ್ರಾಣ ಬಿಟ್ಟ ಇವನ ಮರೆತು

ಮನೆ ಮಂದಿಯೆಲ್ಲ ನಗುತ 

ಕುಣಿದು ಮೂಟೆ ಮೂಟೆ

ಬಾಚಿ ತುಂಬಿ ಕೊಂಡರು