ಚಿತ್ರಾನ್ನ

ಅಪಾರ ಹಣ ಲೂಟಿಗಾಗಿ

ವಾರದ ಹಿಂದೆ ಪರಪ್ಪನ ಜೈಲು

ಎಲೆಕ್ಷನ್ ಗಾಗಿ ಈಗ 

ಮುಖದಲ್ಲಿ ಹೊಸ ಸ್ಮೈಲು

ಸಿಂಹಾಸನದಂತೆ ಕುರ್ಚಿ 

ಇವರು ಮಾತ್ರ ಕೂರಲು

ಕೆಲವರು ಇವರ ಪಕ್ಕ

ಸ್ವಂತ ರಚನೆ ಮಾಡಿ ಹೊಗಳಲು

ಜನರಿಗೆ ಸುಡು ಬಿಸಿಲು

ಕಾರುಗಳಿಗೆ ಮಾತ್ರ ಒಳ್ಳೆಯ ನೆರಳು

ಕಾಲು ಸುಟ್ಟು ಓಡಿದರೆ

ಹೆದರಿಸಲು ಪೋಲೀಸ್ ಕೈಲಿ ಕೋಲು

ಚಿತ್ರಾನ್ನಕ್ಕೆ ಹೊಡೆದಾಡಿ

ಜನರೇ ಮಾಡಿದ ಉದ್ದುದ್ದ ಸಾಲು

ಹೇಳಿದರು ನನ್ನಲ್ಲಿದೆ ಫೈಲು

ನಿಮ್ಮೂರಿಗೆ ರಸ್ತೆ ಮೋರಿ ಮಾಡಿಸಲು

ಜನರಿಗೂ ಚೆನ್ನಾಗಿ ಗೊತ್ತು 

ಇವರು ಸುಮ್ಮನೆ ಬಿಡುವರು ರೈಲು

ಎಣಿಸಿ ನೊಡಿದರು ಪಾಪ

ಕೊಟ್ಟ ಆ ಐನೂರು ಎಲ್ಲರ ಕೈಲೂ