ಬರಬಾರದೇ ನನಗಾಗಿ

ಎಲ್ಲಿರುವೆ ಅಮ್ಮಾ

                  ನನಗಾಗಿ ಬರಬಾರದೇ

ಅಳುತಿರುವೆ ನಾನಿಲ್ಲಿ

                  ನಿನಗೆ ಕಾಣಲಿಲ್ಲವೇ

     ಎದುರಲ್ಲಿ ಕಾಣಲಿಲ್ಲ ನಿನ್ನಾ

                  ಕನಸಲ್ಲೂ ಅಪ್ಪಿ ಕೊಳ್ಳಲಿಲ್ಲ ನನ್ನಾ

     ಒಮ್ಮೆ ಬಾ ಅಮ್ಮಾ ಈ ಧರೆಗೆ

                    ಬಿಗಿದಪ್ಪಿಕೊ ನಿನ್ನೇದೇಗೆ

ಬಾರದ ಲೋಕಕ್ಕೆ ಹೋಗಿರುವ ನಿನ್ನಾ

ಕರೆಸುವುದು ಹೇಗೇ ನಾನಿರುವ ಲೋಕಕ್ಕೆ

ನೀ ಮಾಡಿದ ಪುಣ್ಯವೇನು ಭೂಮಿಯಲಿ

ನಾ ಮಾಡಿದ ಪಾಪವೇನು ಸ್ವರ್ಗದಲಿ

ನಮ್ಮಿಬ್ಬರ ಸ್ಥಾನವ ಅದಲು ಬದಲು ಮಾಡಿದ

ಆ ದೇವನಿಗೇನನ್ನಲ್ಲಿ..?????

      ಕಾಡಲಾರೆ ಎಂದು, ಬೇಡುತ್ತಿರುವೆ ಇಂದು

      ಬಂದು ಬಿಡು ನನ್ನ ಬಳಿ ಹೋಗಬೇಡ

ಆ ನಿನ್ನಾ ದೇವನ ಬಳಿ

ಕೇಳುತ್ತಿದೇ ಅಂತರಾಳ ಎಲ್ಲಿ ನೀನು ಅಂದು

ಹೇಗೇ ಸಮಾಧಾನಿಸಿಕೊಳ್ಳಲಿ ನನ್ನೇ ನಾನು ಇಂದು

ಎಲ್ಲಿರುವೆ ಅಮ್ಮಾ

ನನಗಾಗಿ ಬರಬಾರದೇ