ಭಾವದ ಮಿಡಿತ

ಭಾವ ಭಾವಗಳಲೊಂದು ಮಿಡಿತ

ನರನಾಡಿಯಲಿ ನಿನದೇ ತುಡಿತ

ನೀ ಸುಳಿದಾಗ ಜೋರಾಗಿದೆ ಎದೆ ಬಡಿತ

ಹೆಚ್ಚಾಗಿದೆ ನಿನ್ನ ಪ್ರೀತಿಯ ಸೆಳೆತ//

ನೂರೆಂಟು ನೋವಲ್ಲಿ ನೀ ನನಗೆ ಸಿಹಿಯಾದೆ

ಆ ಪ್ರೀತಿಯ ಆಳದಲ್ಲಿ ನಾ ಮರೆಯಾದೆ

ಜಗಕೆಲ್ಲ ಮರೆಯಾದರು,ನಿನ್ನ ಎದೆಗೂಡಲ್ಲಿ ನಾನಿದ್ದೆ

ಹೊರ ಬರಲು ಮನಸಿಲ್ಲದೇ ಸುಮ್ಮನೆ ಸೆರೆಯಾದೆ//

ಕಾರಣವಿಲ್ಲದೆ ಸುಮ್ಮನೆ ನಗುವೇ ನಾನು ಈ ದಿನ

ನನಗೇನಾಗುತಿದೆ ಗೊತ್ತಾಗುತ್ತಿಲ್ಲ ಈ ಕ್ಷಣ

ನೀ ನನ್ನ ಬಳಿ ಇಲ್ಲದಿದ್ದರೂ,ನೀನೇ ನನ್ನ ಜೀವನ

ಹೇ! ಹೃದಯದರಸಿ ತೆಗೆದುಕೊಂಡು ಹೋಗು ನಿನ್ನೆಡೆಗೆ ನನ್ನ ಪ್ರಾಣ!//