ಯಾರು

ಅವರು ಯಾರು?

ಬಂದರು ಬರದಂತಿರುವರು

ಜೊತೆಗಿದ್ದು ಹೋದವರು

ಹೋದರೂ,ನೆನಪಲ್ಲಿರುವರು//

ಅಂದು ಪರಿಚಿತರು

ಇಂದು ಪರಿಚಯಕೂ ಪರಿಚಯವಾಗದವರು...

ಹೀಗೆ ಬಂದು ಹಾಗೆ ಹೋದವರು

ಹೋದರು,ನನ್ನಲ್ಲಿ ಬೇರೂರಿದವರು//

ಬಣ್ಣ ಬದಲಿಸುವಲ್ಲಿ ನಿಸ್ಸೀಮರು

ಪ್ರಾಣಕ್ಕೆ ಕುತ್ತು ತಂದಿಟ್ಟು ದೂರದಿ ನಿಂತವರು

ಹೊಂಚು ಹಾಕಿ ಬಲೆಯ ಬೀಸಿದವರು

ಬಲೆಯಲ್ಲಿ ಸಿಲುಕಿಸಿ ತಮಗೇನು ತಿಳಿದಿಲ್ಲವೆಂದು ತೋರ್ಪಡಿಸಿದವರು//

ಅವರು ಯಾರು?

ಸ್ನೇಹದಿ ಬಳಿ ಬಂದು ವಿಷವ ಕಕ್ಕಿದವರು

ಹೂವಿನಂತೆ ಕಂಡು ಹಾವಾಗಿ ಕಚ್ಚಿದವರು...

ಬೆಂಬಲದ ಭಾವವನ್ನು ಬೀರಿ,ಬಲವನ್ನೇ ಕಿತ್ತೆಸೆದವರು....

ಯಾರು?ಅವರು ಯಾರು??//