યોગ્ય સમયે; યોગ્ય વાત.

કહી દે દિલની વાત, 

નહીંતર સમય વીતી જશે,

પુરૂ કર મનનું ફિતુર, 

નહિતર ઝનૂન ઓસરી જશે,

ન રાખીશ રૂપનો ગર્વ,

કેટલું તે ટકી રહેશે !

પ્રભાતનું પુષ્પ છે એ, 

સાંજ પડ્યે ખરી જશે,

હિંમત રાખી વધ આગળ,

સમય તારો પલટી જશે,

વિષાદના આ કાળા વાદળા,

આનંદની લહેરખીથી હટી જશે,

દબાવાની કોશિશ ન કર, 

જેની દિલથી પ્રીતિ હશે,

નહિતર મુઠ્ઠીની રેતની જેમ, 

તારા હાથમાંથી સરી જશે,

પ્રશાંત, કંકાસમાં સમય કેમ બગાડે ? 

 જીવનમાં અંતે દુઃખો જ રહી જશે.