યાદોને દિલની તિજોરીમાં બંધ
યાદોને દિલની તિજોરીમાં બંધ
યાદોને દિલની તિજોરીમાં બંધ રાખી છે
જ્યાં મળતાં તે જગ્યાને અકબંધ રાખી છે,
તમે કદીક આવશો આ તરફ એમ માનીને
બાગની ખુશ્બૂ હવામાં ચકબંધ રાખી છે,
હવા પણ આપશે સંદેશ એમ માનીને
ઘરની બારીઓને પણ અબંધ રાખી છે,
અટારી એ ચડી નીરખું છું રસ્તો આપનો
ઝાંખી નજરે આંખોને અનુબંધ રાખી છે,
મળતાં હતાં જ્યાં ને ક્ષણો હતી જે પ્રેમની
વીતેલી ક્ષણો, આજે-ય સીલ બંધ રાખી છે.
અબંધ--- બંધ ન હોય તેવું.
અનુબંધ ---હેતુ ઈરાદો સતતપણું બંધન જોડાણ
ચકબંધ---બધું. સઘળું.