વતન મહીં

એક લટાર મારી મેઁ મારા વતન મહીં.

નથી ઘર પછવાડે વાડા ઈ વતન મહીં.

નજરે નથી આવતા પક્ષીઓ એકાદ,

નથી ચકલી તણા માળા ઈ વતન મહીં.

ગામડું ગયું કે, શહેર પી ગયું આ ગામને.

છાપરે ચઢી ગયા છે ધાબા, ઈ વતનમહીં.

રહી છે ગાય ભેંસ, માનવ સ્વાર્થ થકી.

તેથી નથી આખલા- પાડા, ઈ વતનમહીં.

આનંદ નથી આવતો, આ બેરંગી પુષ્પોથી,

કારણ, નથી આબાં-લીમડા, ઈ વતન મહીં.

વ્યાપી રહ્યો છે સઘળે જ્ઞાનનો બીઝનેસ,

તેથી નથી રહી સરકારી શાળા, ઈ વતનમહીં.

મન ઉપર ચાલે છે, પૈસા કેરું ચગડોળ,

તેથી નથી માનવીમાં "સ્નેહ", ઈ વતનમહીં.