માખણમાં સ્વાદ

ભરી મટુકી લાવી ગોરસ,

રાધેરાણી ગોવિંદને કાજ.

પ્રેમે પીરસી આપે મોહનને,

રાધા જ્યારે પોતાને હાથ.

ચાખી માખણ મોં મચકોડે,

કહે ગોપાલ,ના કોઈ સ્વાદ !

જુએ હેરત થકી રાધારાણી,

ગોરસ તાજા વલોવ્યા આજ !

બોળી અંગુલિ અડાડી હોઠે,

મીઠાં હતા ગોરસના સ્વાદ !

કહે માધવને છો જૂઠા તમે,

ના માનુ તમારી કોઈ વાત!

મલકી હરિવર કહે છે, રાધે !

પહેલા માખણ હતું બેસ્વાદ !

સ્પર્શ પામ્યા તવ અધર તણાં,

ત્યારે ભળ્યા માખણમાં સ્વાદ!