લાઈબ્રેરી
પ્રોફાઈલ
સોગાત થઈ રહી છે
સોગાત થઈ રહી છે
1 min
483
શબ્દોમાં મારા અજબ કરામત થઈ રહી છે,
રચવા કવન શું જીવનમાં નવી શરૂઆત થઈ રહી છે !
ઊર્મિઓને બાંધી શબ્દોમાં સજાવતી રહું,
કે ઊર દબાયેલી લાગણીની રોજ નવી રજૂઆત થઈ રહી છે.
વ્યોમ સમ વિશાળ થઈ રહી વિચારોની દુનિયા,
સ્વને પામવાં ભૂલું સ્વને એવી જિયાફત થઈ રહી છે.
રહું છું મૌન જ આજકાલ ના જાણે કેમ !
કલમમાં મારી એક અજાયબ ઉધમાત થઈ રહી છે.
હવે 'પલ' પાછું વળી ના જોશે કદાપિ,
સફર આ સાહિત્યની અનેરી સોગાત થઈ રહી છે.
