Hurry up! before its gone. Grab the BESTSELLERS now.
Hurry up! before its gone. Grab the BESTSELLERS now.

Hanif Sahil

Classics Inspirational


4  

Hanif Sahil

Classics Inspirational


અહીં પણ અને ત્યાં પણ

અહીં પણ અને ત્યાં પણ

1 min 13.7K 1 min 13.7K

ઘેરાયેલી મધરાત, અહીં પણ અને ત્યાં પણ,

આ કારમું એકાંત, અહીં પણ અને ત્યાં પણ.

સરખી ઉભયની લાગણી, સરખો ઉભયનો પ્રેમ,

છે દર્દ આત્મસાત, અહીં પણ અને ત્યાં પણ.

હું છું અગર વ્યાકુળ તો એ પણ છે બેકરાર,

આંખોથી અશ્રુપાત, અહીં પણ અને ત્યાં પણ.

આ કાલ રાત વીતશે, પૂરો થશે વિયોગ,

થાશે ફરી પ્રભાત, અહીં પણ અને ત્યાં પણ.

સંયોગવશ થવું પડ્યું એ મોડ પર અલગ,

જીવનની રીતભાત, અહીં પણ અને ત્યાં પણ.

હું પણ વિસારું, તું ય વિસારીને આંખ લુછ,

શાનો આ વલોપાત અહીં પણ અને ત્યાં પણ.

હું કોણ અને તું કોણ રમત છે આ જીવનની,

બંને તરફ છે માત, અહીં પણ અને ત્યાં પણ.

આ દાર્દ આવ્યથા આ અજંપો ને આ સ્મરણ,

કેવી મળી સોગાત, અહીં પણ અને ત્યાં પણ.

કેવો સફરનો અંત હતો શું લખું હનીફ,

સરખો જ છે વૃતાંત, અહીં પણ અને ત્યાં પણ.


Rate this content
Log in

More gujarati poem from Hanif Sahil

Similar gujarati poem from Classics