Win cash rewards worth Rs.45,000. Participate in "A Writing Contest with a TWIST".
Win cash rewards worth Rs.45,000. Participate in "A Writing Contest with a TWIST".

Hanif Sahil

Classics Inspirational Tragedy


4  

Hanif Sahil

Classics Inspirational Tragedy


વિષાદ

વિષાદ

1 min 13.5K 1 min 13.5K

આંખોની સાથે જાગ્યો આ અંધકાર પણ,

બોઝલ આ રાત વીતી ને આવી સવાર પણ.

આ ઘર, દીવાલ, બારી, મેજ ને આ આઈનો,

એના સ્મરણના હોય છે કેવા પ્રકાર પણ.

પાછો વળી વળીને ગલીમાં જઈ ચડ્યો,

મનને મનાવતો જ રહ્યો સો સો વાર પણ.

એની સભાના તોર તરીકા જુદા જ છે,

આપે જો નિમંત્રણ, ના મળે આવકાર પણ.

ઠંડુ પડી રહ્યું છે બદન, શ્વાસ મંદ મંદ,

આવી ન કોઈ રાસ દવા, સારવાર પણ.

પગરવની સાથે કેમ આ ધડકી રહ્યું હૃદય,

મુજને તો કોઈનોય નથી ઇતેન્ઝાર પણ.

કાગળ ઉપર વિખેરી હ્રદયના વિષાદને,

એની જ લખો વાત ને એના વિચાર પણ.

મુજને મળી છે પ્રેમની સાથે જ પ્રતિષ્ઠા,

સાથે મળ્યા છે શીશ પર ચાંદીના તાર પણ.

ઊતરી રહી છે સાંજ ધૂંધલકાની જેમ ને,

આંખોથી દૂર થઇ એ વિહંગની કતાર પણ.

પર્વત, નદી, ઝરણા અને વાતો સમીર આ-

આ ઘરની કેદથી તો ઘણું છે બહાર પણ.

બેસી રહેશો ક્યાં સુધી એના વિષાદમાં,

ચાલો હનીફ કોઈ કરો કારોબાર પણ.


Rate this content
Log in

More gujarati poem from Hanif Sahil

Similar gujarati poem from Classics