બાળવાર્તાના પાત્રો
બાળવાર્તાના પાત્રો
બાળપણના દિવસો મસ્તીમાં ગયા
બાળવાર્તાનાં પુસ્તકો બધા હવે પસ્તીમાં ગયા
ચકો ચકી ઉડી ગયા વનમાં
વાર્તામાં તેના ચિત્રો રહી ગયા
મે એક બિલાડી પાળી હતી તે રંગે બહુ રુપાળી હતી
આવી કવિતાને બધા ભૂલી ગયા
અકબર બીરબલની વાર્તાની વાતો વા સાથે વહી ગઈ
બાદશાહ બદલાઈ ગયા
ને પ્રધાને પણ બદલાઈ ગયા
રાજકારણની વાતો કરતા થઈ ગયા
પરીઓની વાતો બધી પાતાળમાં ગઈ
બ્યુટી પાર્લરમાં જઈ મોબાઈલમાં
નવી પરીઓ શણગાર સજી આવી ગયા
પસ્તીના પાનામાં શોધે છે "દીપ"
આ મોબાઈલના યુગમાં મારા
બાળવાર્તાના પાત્રો ક્યાં ખોવાઈ ગયા