બદલાય છે.
બદલાય છે.
ક્યારેક સૂરજની રોશની
તોં ક્યારેક ચાંદની ચાંદની
તો ક્યારેક અમાવસ્યાની અંધારી રાત્રી
આમ આકાશનો નજારો પણ બદલાય છે
ક્યારેક વસંત તો ક્યારેક પાનખર
ક્યારેક શિશિર તો ક્યારેક શરદ
ક્યારેક નશીલી માદક હવા
તો ક્યારેક બર્ફીલી હવા
આમ મૌસમનો મિજાજ, પણ બદલાય છે
ક્યારેક ભરતી, ક્યારેક ઓટ,
ક્યારેક દુર્વસા જેવો ક્રોધી,
તો ક્યારેક મૌન સેવેલા મુનિ જેવો ઠાવકો
આમ સમંદરની પ્રકૃતિ પણ પળે પળે બદલાય છે
ક્યારેક સુખ, ક્યારેક દુઃખ,
ક્યારેક ગમ, તો ક્યારેક ખુશી
આમ માનવીની પરિસ્થિતિ પણ બદલાય છે
ના હાર અયે બંદા ! દુઃખોના ક્ષણિક પરપોટાથી,
માનવીનું મુકદ્દર પણ પળે પળે બદલાય છે