પીડિતાના વેદના

પીડિતાને પૂછ, એને ચોટ પહોંચી કેટલી ?

પીડિતાને પૂછ, એને રાખ ચોળી કેટલી ? 

વાંક એનો માત્ર સ્ત્રી છે એટલો સંસારમાં ?

પીડિતાને પૂછ, એને કૂખ સાલી કેટલી ?

હોય હદ હેવાનિયતની,રાક્ષસોના વારસો,

પીડિતાને પૂછ, એને પોક મૂકી કેટલી ?

પાપ કરતાં તો વિચારો,અવતર્યા છો મા થકી,

પીડિતાને પૂછ, એને ઝીંક ઝીલી કેટલી ?

લાખમાંથી રાખ કરતાં,લાજ ના આવી તને,

પીડિતાને પૂછ, એને ચીસ પાડી કેટલી ?

પાપ કેરું પોટલું, બાંધી તને તો શું મળ્યું?

પીડિતાને પૂછ, એને ઘાત વેઠી કેટલી?

કોડ તો એનેય સીવ્યાં'તાં જગતમાં અવતરી,

પીડિતાને પૂછ, એને જાત વેરી કેટલી ?