મમ્મીનો કિકલો

હું મમ્મીનો કિક્લોને, ભયલું મારું નામ,

મમ્મી કેરા હ્યદયમાં, મળતા ચારોં ધામ.

હું મમ્મીનો કિક્લોને, ભયલું મારું નામ,

માથું જો દુઃખે મારું, ખૂબ હેતથી ફેરવે હાથ,

પછી મારે આ ટાઈગર ઝંડુનું શું કામ ?

હું મમ્મીનો કિક્લોને, ભયલું મારું નામ.

ગરમી જો લાગે મને, પાલવ ફેરવે તત્કાલ,

પછી મારે આ કૂલર પંખાનું શું કામ ?

હું મમ્મીનો કિક્લોને, ભયલું મારું નામ.

ઠંડી જો લાગે મને, તો હોડમાં લે તત્કાલ.

પછી મારે ગરમ સ્વેટર -મોજાનું શું કામ ?

હું મમ્મીનો કિક્લોને, ભયલુ મારું નામ.

વરસાદ જો ભીંજવે મને, તો હૈયે ચાપે તત્કાલ,

પછી મારે રેઈન કોર્ટ-છત્રીનું શું કામ ?

હું મમ્મીનો કીકલોને ભયલું મારું નામ.

"સ્નેહ" કહે, મા સર્વધર્મનું એક જ છે ધામ.

પછી મંદિર-મસ્જિદ નામે, લડવાથી શું કામ ?

હું મમ્મીનો કિક્લોને, માનવતા મારો ધર્મ.