વસંતની શોભા
વસંતની શોભા
પીળાં કેસરિયાં ફૂલોની ભરમાળ,
અવર્ણનીય રંગોથી કુદરત બની રસાળ !
ડાળે ડાળે ઝૂક્યો, ફૂલોનો રસથાળ,
જાણે ફૂલોના ગણવેશમાં,
પૃથ્વી બની બાળ !
રંગબેરંગી ફૂલોથી રસ્તા
જાણે બન્યા મહંત,
ખીલી પૂરબહારમાં, જાણે આજ વસંત !
ચિતારાએ પૂરી, જાણે અવર્ણનીય ભાત,
ખીલીને મહેકી ઊઠ્યું,
જાણે વસંત પ્રભાત !
આજ પડ્યા પગલાં વસંતના ચમનમાં,
કુદરત પણ ઝૂકી ગઈ, આજ જાણે નમનમાં !
નથી હોતું સરળ, માણવું સૌંદર્ય વસંતનું,
માણતા પહેલાં શીખવી પડે
ભાષા વસંતની !