તારા હાથમાં આપું
તારા હાથમાં આપું
1 min
310
લાવ તારો હાથ,
તારા હાથમાં આપું,
સૂરજનું અજવાળું.
જે તારો રાહ ઉજાળે,
પંખીના બે'ક ટહુંકા,
જીવન મધુરતમ બનાવે,
ફૂલોની મહેંક,
વૃક્ષોની લીલપ,
બે'ક ઝાંકળબુંદ,
પતંગિયાનું ચૈતન્ય,
વરસું વરસું થતા વાદળો,
તેને તારામાં સમાવી લે.
ના બંધ કર મુઠ્ઠી,
ચપટી ચપટી વેરતી રેજે,
સૌને લ્હાણ કરીશ,
તોય તારી પાસે હશે,
સુવાંગ ને પોતીકું,
પણ હા જતન કરજે,
જીવથી અદકેરું તેનું!