હું અને મારી દોડ
હું અને મારી દોડ
1 min
147
હું અને બસ મારી આ દોડ હોય છે,
કેમ કે ઠાંસી ભર્યાં કોડ હોય છે.
કોઇ સપનું આ ફળે, આંસુ કાં ઢળે,
બાકીના સ્વપ્નાની અર્થી આ નીકળે,
આવતા એમ કેટલા મોડ હોય છે,
હું અને બસ મારી આ દોડ હોય છે,
મારા પગલાં કોણ મારા ભણી વળે,
જીન્દગીને એનો સંદર્ભ ના મળે,
ચાલવાનો યત્ન તનતોડ હોય છે,
હું અને બસ મારી આ દોડ હોય છે,
રાહ વાંકા છે, છો મંઝીલ સામે છે,
લઇ જતી ઇચ્છા તો રણના સરનામે એ,
ઝાંઝવા જ્યાં પામવા હોડ હોય છે,
હું અને બસ મારી આ દોડ હોય છે.