આખો પ્રવાસ પગપાળા ન કર

ગીતાનો ઉપદેશ દઇને ગયો છું,

તું જ્ઞાનની નવી નિશાળો ન કર,

પીપળાના વૃક્ષનો આખોય પ્રવાસ પગપાળા ન કર.

મૂળ હું છું,

તું નવું વૃક્ષ ઊગી ગોટાળો ન કર,

જે કરીશ તે જ અંતે તું પામીશ,

બીજાના કર્મ સાથે તાળો ન કર.

મારો શ્વાસ રુંધાશે તો ક્યાં જઇશ,

ઝંખનાની આટલી બધી ઝાળો ન કર.

તારી કને તારા રુદિયામા રે'વુ મારે,

પારકો ગણી મને ઉપરવાળો ન કર,

કદીક તો મારી પાસે ઊડીને આવ.

('મારા પગલાં મારા ભણી'માંથી)