વર્ષા
વર્ષા
1 min
447
ક્યારેક સાંબેલાની ધારે વરસતી વર્ષા,
ક્યારેક ઝરમર હેલી બનતી આ વર્ષા.
ક્યારેક નદીઓને ગાંડીતૂર કરતી આ વર્ષા,
ક્યારેક ઝાંઝવાના નીર બનતી આ વર્ષા.
ક્યારેક મયૂરનું નૃત્ય બનતી આ વર્ષા,
ક્યારેક ચાતકની પ્યાસ બનતી આ વર્ષા.
ક્યારેક વરસીને વરદાન આપતી આ વર્ષા,
ક્યારેક અદ્રશ્ય રહી શાપ આપતી આ વર્ષા.
ક્યારેક વાદળની સોડમાં રહેતી આ વર્ષા,
ક્યારેક ધરાનો ખોળો ખૂંદતી આ વર્ષા.
કહેવાય છે ઋતુઓની રાણી આ વર્ષા,
શું ક્યારેય કોઈને ભીંજાવશે આ વર્ષા?