ઠાલવું સંવેદના
ઠાલવું સંવેદના
1 min
386
બસ ગઝલમાં ઠાલવું સંવેદના,
જે હૃદય બોલે લખે આ ટેરવાં,
યાદમાં આંખો કદી સૂકાય ના,
વ્હાલનાં સંભારણાં છે વેગળાં,
જ્ઞાનની વાતો બધી પોકળ કરી,
છોડ તું જ્ઞાની થવાના પેંતરા,
આંખમાં સપનાં સજીવન તું કરે,
આ નયનની બસ હવે એ ખેવના,
તું કહે તો ચાંદ પણ લાવી શકું,
પણ પછી એ લાવનારા કેટલા ?
પ્રેમની સંભાવના થૈ વાંઝણી,
ઘૂંટડા વખના મળ્યા છે એટલા,
દરબદર ના શોધશો 'હેલી' હવે,
ખુદ જગાવો આપમાં એ ચેતના.