ખૂણો શોધે છે...

આ ગોળ ધરામાં માણસ ખૂણો શોધે છે...

માણસ માણસથી છુપાવા ખૂણો શોધે છે...

કપટીના કારસથી પરેશાન છે જગત આખું

સજ્જનો ચૂપ રહીને દુર્જનો માટે ખૂણો શોધે છે...

આ ગોળ ધરામાં માણસ ખૂણો શોધે છે...

વ્યવહાર નથી દેખાતો ક્યાંય આજે એક મેકમાં

દેખાડાના સંબંધો માટે દિલ માં સૌ ખૂણો શોધે છે...

આ ગોળ ધરામાં માણસ ખૂણો શોધે છે...

અંધારપટ છે ચારે બાજુ, છતી આંખે અંધ છે બધા

ધરતી પર અટવાયો છે ને ગગનમાં ખૂણો શોધે છે...

આ ગોળ ધરામાં માણસ ખૂણો શોધે છે...