વરસાદનો વ્યંગ
વરસાદનો વ્યંગ
વરસાદના એંધાણની વાટને જોતી એ આજ વરંડે ઊભી,
ત્યાં જ પલંગ પરના મોબાઇલના મેસેજની રીંગ રણકી,
એ મેસેજ વાંચીને ઘરવાળી તો જાણે આજે ભડકી,
લાલ વાદળ આકાશે ચડ્યાં હોય એમ તેની આંખો ચમકી,
આવ્યો આજે પહેલો વરસાદ એમ બહાવરી બની એ ભટકતી,
માટીની ભીની સોડમમાં એ પગરખાંના નિશાન ગોતતી,
દેખાયો હું જ્યાં બીજી સાથે તો પછી સાપ બની એ દોડતી,
જાણે આવી પાનખર હોય તેમ મારા પાન ખંખેરતી,
સાથે, જાણે વસંત ભીંજવે તેમ શબ્દોની વૃષ્ટિ કરતી,
પાનખર સાથે વસંત કરે કુસ્તી તેમ મારી સાથે કુસ્તી એ ચડતી,
કેટલો માદક બન્યો માનવી ઘર નહીં પણ ઘરની શાંતિ શોધે ભટકી
પત્નીના હાથે પકડાયો ત્યારે મૃગજળમાં એ પાણી શોધે,
પછી તો વીજળી ચમકે, વાદળ ગરજે તેમ મારી પર વીજળી ગરજી,
બંધ કાને આજે મોર, કોયલને પપીહાના અવાજો ગયા રણકી,
બીન વરસાદે વરસાદ પડ્યો આજે વાતાવરણ પણ ઘણું જ દાઝે,
બીન વાદળનો વરસાદ એવો વરસ્યો જેથી હર નર ભાગે
હવે ન કદી વરસાદે મોબાઈલ ભલું વાત બાંધી શીખ લીધી આજે....!