વક્ર વિધિ નિધિ

સેવાભાવ શું એ તો શ્રવણ જ જાણે,

હનુમાનજીને મન એ મોજ જ લેખાશે..

જાગરણ શું એ તો કૈકૈયી જ જાણે,

લક્ષ્મણને મન એ ફરજ જ લેખાશે..

કપટ શું એ શકુનિ જ સરખું જાણે,

દુર્યોધનને મન એ આજ્ઞા જ લેખાશે..

વિરહ શું એ વિશેષતઃ જાણે ઉર્મિલા જ,

સીતાને મન એ ધર્મ જ લેખાશે..

વિષનો સ્વાદ તો શિવજી જ જાણે,

મીરાંજીને મન તો એ અમૃત જ લેખાશે..

ખરેખરો પ્રેમ શું એ રાધા જ જાણે,

રુકમણીને મન એ અધિકાર જ લેખાશે..

અનલોકનો સંતાપ તો ઝૂંપડીધારી જ જાણે,

કોઠીવાળાને મન તો સેરસપાટા ગણાશે..

લોકડાઉનનો ભાવ તો રાંક વિશેષ જાણે, 

અમીરને મન તો નકરી મજા મપાશે.