વાંક કોનો હતો ?

મા એ ગર્ભસંસ્કારમાં ન કરેલ ઘડતરનો,

કે માની સલાહ ન માનનારીનો !

અહિંસાનો પાઠ ભણાવવામાં નિષ્ફળ રહેલ શિક્ષકનો,

કે પછી અસત્યને પારખી ન શકનાર શિક્ષણનો !

નિદૅયી બનીને વિશ્વાસઘાત કરનારનો,

કે પછી આંધળો વિશ્વાસ મૂકનારીનો !

જૂઠી લાલચો આપીને દિલ જીતી લેનારનો,

કે પછી જૂઠા માણસને પારખી ન શકનારીનો !

ખોટી સલાહ આપનાર ટેકનોલોજીનો,

કે પછી ટેકનોલોજીનો ઉપયોગ કરીને બચી ન શકનારનો !

જિંદગી બચાવી ન શકનાર હથિયારનો,

કે પછી જિંદગી સામે હારી જનાર અહિંસાના હથિયારનો !

 પ્રેમ માટે બધું ત્યજીને આવનારને સમજી ન શકનારનો,

કે પ્રેમને સર્વસ્વ માનનાર ખોટી જીદ્દનો !

       

કોઈ બીજો રસ્તો નહિ મળ્યો હોય,

કે જિદગીને દાવ પર લાવી પડી હશે !

માણસના રુપે પશુ બનીને ત્રાસ ફેલાવનાર અહીંસક તત્વોનો,

કે એ ત્રાસ સામે અનજાણ રહેનાર તંત્રનો !