વાલમ તારી સૃષ્ટિ

ઓ 'વાલમ' તારી સૃષ્ટિની શી વાત કરું !

નદી, પર્વત, વન, ઝરણાં સઘળું જોયા કરું.

ચાંદ, તારા, સૂરજ ચંદ્રની શી વાત કરું !

જીવજંતુ ને માનવ સૃષ્ટિ નીરખ્યા કરું,

રંગબેરંગી નિર્દોષ ફૂલડાંની શી વાત કરું !

સુવાસ મનમાં ભરીને જગમાં વહેંચ્યા કરું,

પક્ષીઓના અનેરા કલરવની શી વાત કરું !

મીઠા મધુરા એના ટહુકા સાથે આલાપ કરું,

ખળખળ વહેતા ઝરણાંની શી વાત કરું !

શિશુ થઈને એની સાથે રમતો રમ્યા કરું,

વૃક્ષોના આ શીતળ છાંયની શી વાત કરું !

વિસામો ઘડીકનો લઈ આયખું પૂરું કરું,

અત્ર તત્ર સર્વત્ર 'વાલમ' તારી શી વાત કરું !

ફુરસદમાં જેવો પડું તારી સૃષ્ટિ જોયા કરું.