સૈનિકોને સલામ

સિપાહી અમે સિપાહી આ દેશની શાન,

જાળવી રાખ્યું અમે આ દેશનું સ્વમાન,

દેશની રક્ષા કરવા અમે આપી દઈએ જાન,

સિપાહી અમે સિપાહી આ દેશની શાન,

દિવાળી કે હોળી અહીં બધું બંદૂકની ગોળી,

અમારા તહેવારો તો બધું અમારી ટોળી,

નમન આ તિરંગાને જીવન અમારું કુરબાન,

સિપાહી અમે સિપાહી આ દેશની શાન,

ઉનાળો, શિયાળો કે હોય વરસતો વરસાદ,

બોર્ડર રહે સુરક્ષિત તો અમે સદા આબાદ,

નથી કોઈ ખ્વાહિશ નથી અમને અભિમાન,

સિપાહી અમે સિપાહી આ દેશની શાન,

લોહી વહાવી દેશની રક્ષા સરહદે કરીયે,

દુશ્મન હોય કોઈ ભલે કદી માફ ના કરીયે,

ના અપેક્ષા કોઈ ના જોઈએ કોઈ બહુમાન,

સિપાહી અમે સિપાહી આ દેશની શાન.