આંસુ

આંસુ પહોંચ્યા છે કિનારે, કોણ જાણે આજ એ !

ને આંખ મારી શું નિતારે ? કોણ જાણે આજ એ !

કિંમત નથી એને હવે તો, ટપકતી એ આંખની,

પાંપણ ટકે કોના સહારે, કોણ જાણે આજ એ !

એ દ્વિમુખી જે રંગ બદલી, નાખતો સંજોગમાં,

ચ્હેરો મુખોટો છે ઉતારે, કોણ જાણે આજ એ !

નફરત ઘણી કરતી મને, થોડો ઘણો અણસાર ના,

ના પ્રેમ છે એને લગારે, કોણ જાણે આજ એ !

રચના રચી યાદો સહારે, વેદના છે શબ્દમાં,

ક્હેતો ગઝલ હું એજ સારે, કોણ જાણે આજ એ !

ભૂલી ગયા એ રાતને, જેને કર્યા ભદ્રા દુ:ખી,

બનશે શું ઉગતી એ સવારે, કોણ જાણે આજ એ !