નથી ગમતા
નથી ગમતા
મને આ દિલ તણાં જૂઠા સહારાઓ નથી ગમતાં,
અને આ વિરાન બાગો ના નઝારાઓ નથી ગમતાં.
બહેતર છે ડૂબી જવું, મઝધારે તોફાનોમાં,
દુઃખો અને દર્દ મળે એવા કિનારાઓ નથી ગમતાં.
રોઇ રોઇ ભરી લેજો દામન આ મહોબ્બતનું,
જૂઠી યાદોને આશાના મિનારા નથી ગમતાં.
અમે બસ ચાલતાં રહીશું અડગ વિશ્વાસે મંઝિલના,
ન અમને રોકશો કોઈ, આ ઉતારાઓ નથી ગમતાં.
અમુલ્ય આ ઝિંદગીની અવદશા છે કેવી?,
ફૂલોને પણ કાંટાના પનારાઓ નથી ગમતાં.