શૂરવીર તણું કામ
શૂરવીર તણું કામ
સૈનિક બનીને સરહદ પર રહીને
દુશ્મન સંગ લડવું નથી કાયરનું કામ,
એ તો મોતને મુઠ્ઠીમાં લઈને ફરતાં શૂરવીર તણું કામ,
સામી છાતીએ ગોળી ખાઈને
દેશના દરેક વ્યક્તિને સુરક્ષા બક્ષે
એ તો મોતને મુઠ્ઠીમાં લઈને ફરતાં શૂરવીર તણું કામ,
દુશ્મનોનો સામનો કરવા સામી છાતીએ
દરેક સરહદ પર ફરવું જાનના જોખમે
એ તો મોતને મુઠ્ઠીમાં લઈને ફરતાં શૂરવીર તણું કામ,
પરિવારથી વિખુટા રહી જીવવું
દેશમાં વસતા દરેક પરિવાર માટે મરવું
એ તો મોતને મુઠ્ઠીમાં લઈને ફરતાં શૂરવીર તણું કામ.