તું હોત તો

તું હોત તો ઘણું શક્ય હતું,

તું નથી તો કોઈ વજુદ ન હતું,

લાગણીઓના દરિયા છલકાઈ જાય,

તેને ઝીલવા કોઈ મોજૂદ ન હતું,

પ્રેમ તો કરતાં કરી લીધો દિલથી,

દિલને પામવા કોઈ હાજર ન હતું,

ખાલી સવાલોનાં ઢગલા કર્યા,

જવાબ આપવા કોઈ ન હતું,

પાગલોની દુનિયામાં વસી ગઈ,

પડઘા સાંભળવા કોઈ તૈયાર ન હતું,

અરે જિંદગી મોજથી જીવતાં હતાં,

હાથ પકડનાર કોઈ હાજર ન હતું,

"સખી" શ્વાસોના શ્વાસ ચાલી રહ્યાં,

ધડકન સાંભળવા કોઈ હાજર ન હતું.