થવા લાગી
થવા લાગી
સંબંધોમાં આજ બેઈમાની થવા લાગી,
અંદરો અંદર તો રોજ આનાકાની થવા લાગી.
બહારથી તો બધું ઠીક ઠાક જ દેખાય,
જરા અંદર ડોકિયું કર્યું તો હેરાની થવા લાગી.
રમત રમી બાળકો જે રીતે સૂઇ જાય,
બાળપણની એ નાદાનીયતની કમી થવા લાગી.
ધૂળ જો જામી જાય એ સંબંધો પર,
દિલમાં વસેલી એ તસ્વીર પુરાની થવા લાગી.
લોકો તમાશો જોતા રહ્યા વગર ખર્ચે,
એમનાં માટે એ એક નવી કહાની થવા લાગી.
જયારે રાહમાં કોઈ સાચો સંબંધી મળે,
ત્યારે છેવટે "નાના"ને થોડી આસાની થવા લાગી.