બદલાતા ચહેરા

મેઘધનુષથી નહીં ડર ઘણો છે મને કાંચિડાથી,

રંગીન મિજાજી નહીં અહીં તો લોકો રંગ બદલી લે.

હોય કોઈ પરેશાની તો હાથ ઉઠાવે ખુદાથી,

બીજી જ ઘડીએ જરૂરિયાતમાં ચોરનો હાથ પકડી લે. 

મા-બાપની ઉંમરની એને ફિકર જરાય નથી,

વાતો-વાતોમાં એના નામની કસમ સવાર-સાંજ ખાઈ લે.

દુનિયાને નસીહત દેવામાં ક્યારેય ચૂકતો નથી,

સફરમાં તો એ અજાણ્યાના હાથથી જામ પી લે.

બાળકોના સારા સંસ્કારની આશા હવે નથી,

ચોળા પર બેસીને તો ખુલ્લેઆમ એ ગાળો બોલી લે.

ભાઈ-ભાઈ દોસ્ત-દોસ્તીની વાત થતી નથી,

એના બદલે તો અહીં લોકો ધોખાથી કામ ચલાવી લે.

મતલબ વિના હવે તો કોઈ જ મળતું નથી,

પીઠ પાછળ તો એના નામની કત્લે-આમ કરી લે.

"નાના" હવે આ દુનિયામાં કોઈ કોઈનું નથી,

અહીં લોકો પોત-પોતાની જરૂરતથી જરા વાપરી લે.