થઈ ગયા છે

મંઝિલ વગરનાં, માર્ગ થઈ ગયા છે,

મુસાફર વગરનાં, રસ્તાં થઈ ગયા છે !

ફૂલોને જોઈને, લાગે છે એમ, કે,

ભ્રમર વગરનાં, બાગ બગીચા થઈ ગયા છે !

અસફળ થનારાં, કે વિજયશ્રીને વરનારા,

સફળતાને આંકડામાં, તોલતાં થઈ ગયા છે !

ન ગુસ્સો, પ્રેમ, નફરત કે, માણસાઈ,

સ્વભાવ માણસનાં, પથ્થર થઈ ગયા છે !

આંખોની ભાષા, હૃદયથી વાંચનારાં,

બુઠ્ઠી લાગણીઓનાં, રણી ધણી થઈ ગયા છે !

ન લાગણી, ન 'ચાહત' કે દિલની ઊર્મીઓ,

શબ્દો કલમનાં, પુસ્તક થઈ ગયા છે !